سنين الغدر

سنين الغدر




ابخلف لون طاروقي وانا لـي بالقصيـد فنـون
وانا من شي ٍ بصدري ابخلـف لـون طاروقـي
كتبت الشعر من صغري وانا للشعر رمح طعـون
طرقت الشعر بنواعه ماحفت البيـت مسروقـي
صعيب القاف عديته عسيـر ٍ مالحقـه الـدون
كتبته في هـواء ليلـى وليلـى حبهـا عوقـي
لكن اليوم غير وغير طلع لي بالزمـان شطـون
شطون ٍ ضيقت صدري وعيني وختلـف ذوقـي
ابنثرها على صدر الورق عمياء بـدون عيـون
سجينه ضيقت صدري لها الاضـلاع صندوقـي
طواها ماطوى حبل الرشاء والقوم لـه يسنـون
لها سنين ٍ تراكـم بالصـدر والطـاق مطبوقـي
بركت وشلت حمول وقلت تبـدل ياعنـاء للهون
سهرت الليل وطال الليل ونومي ماهنـاء موقـي
لكن اليوم بجلبها علـى سـوق ٍ هلـه يشـرون
وانا اعرف راعي السلعه يجي بالسوق مطفوقـي
ابا طلسـم معانيهـا وبخفـي سرهـا المكنـون
ابكسيهـا ولبسهـا سـوار ٍ يشبـه الطـوقـي
بوردهـا وصدرهـا وبحـرق تالـي الغلـيـون
وبتبع جـرة ٍ للذيـب عليهـا درهمـت نوقـي
جرالي ماجراء لكليـب ياللعيـب كيـف يكـون
ضحيه من ضحايا الغدر طاح الشيـخ مدروقـي
عيون الغدر مانامت وخنجـر غدرهـا مسنـون
تحرى طعنة ٍ من قرب تـورث بالزمـن عوقـي
ابرجع للوراء خطوه تخالف من وراهـا ضنـون
احد يصدق وحد يكـذب وحـد ماقـال منطوقـي
نحرها بليلة ٍ ظلمى وقـرص الداهيـه مدهـون
على جدار الزمن وقف وتحتـه ينبـح اللوقـي
كشف ستر الظلام وشاح وشاح ٍ شاح من شيفون
لقى تحته ثلاث عقـود وعقـد ٍ كـان مفهوقـي
رجع ماستر بجوفه حر كسير ٍ خايـب ٍ محـزون
مع المذن رجع يلعن وجيـب الثـوب مشقوقـي
سقا سقوا سقاها اللي ورد حوض الردا يـردون
ومـات الحـظ ليلتهـا علـى مركـاه مخنوقـي
سعوا بالشر وجيه الشر وصاروا للعفن يجنـون
وهو باقي على طول الدهـر والعـود محروقـي
غرير ٍ غرغرير ٍ مر عليه من الزمـان عيـون
تراقب خطوته يمشي وتلخـس شوفهـا بوقـي
الا ياخاين الذمه عصى موسـى علـى فرعـون
قلب نابـه علـى دابـه وعـدا اليـم مفروقـي
بعد جفت مواردها تقافـت فـي سماهـا مـزون
توالت من جنوب ٍ فـي سماهـا تبـرق بروقـي
روت جـذور طلحتهـا وعـود عودهـا بليـون
عقب ذاك اليباس اللـي لحقهـا عـودت توقـي
عقب طاحت نصرها الله رفيع الشان رب الكـون
نصرها من نصر موسى قبيل الشمس بشروقـي
حفرها وندفن شيخ ٍ عليه اهـل الوفـاء يبكـون
رحل والسر بضلوعه علـم بـه واحـد ٍ فوقـي
عليها شهود بيض وسود ثلاثه بالـردا يسعـون
حلا حل الظـلام بحلهـا فـي مفـرق السوقـي
ولاها اللي رحل عنها عقـب ماحافهـا بالهـون
بقى وسمه على ورك الذلـول اليـوم مدقوقـي
الا يابالع الجمره تـرا عنـك العـرب يـدرون
اكلت السحت وجعت وطحت وعقبه يبست حلوقي
وراك تراب عذاب حساب ودارن ٍ مابها مزيـون
وليل ٍ اظلـم ٍ طلسـم وكـل مطـرود ملحوقـي
كتبت القاف لجل يشاف قوافي قافهـا مصيـون
عن الزله عن الخلـه قوافـي صغتهـا بذوقـي
كتمت العلم في صدر الزمن سنين وهو مدفـون
اداري خاطـر العفـراء عنـود ٍ خالهـا روقـي